मृगाचा पाऊस

सूर्य दिसेनासा झाला

नभ  अंधारला  भारी |

सर  पावसाची आली

आज  भरल्या दुपारी ||१||

आला मृगाचा पाऊस

आता अवनी भिजेल |

आनंदाने   चोहीकडे

स्रुष्टी   नटून   सजेल ||२||

थेंब   थेंब   पावसाने

थंडी  भरली  अंगात |

आनंदाने भिजलो मी

पहिल्याच   पावसात ||३||

पहिल्या पावसाची ही

ओढ  प्रत्येकाला राही |

वाट चातका  सारखी

शेतकरी  सुध्दा  पाही ||४||

पशु पक्षी प्राणीमात्र

वाट  याची  बघतात |

मुले  मुली  सगळेच  

आनंदाने   नाचतात ||५||

पावसाळा म्हटला की

येतो डोळ्याच्या समोर |

चहा आणि कांदाभजी

खाती   लहान ना थोर ||६||