मन झुरझुर करं ...

बळीराजा - आज लई दिवसानं हा योग आला,

                माय तु सजली बघ माया,

                जिवात जीव आला ...

पाहूनी मनात भरलं शिवार ,

असं लुसलुशीत पातं अन्

पात्यामधुन डोकावणारं तुरं

येता आनंदाची लहर

मन झुरझूर करं ...

कष्टाने तळहाती आले फोडं ,

सांगु कुणाला तरीबी हसते डोरं ,

हिरव्या शिवारी सपान पडे हिरवं,

तु माझ्या न मी तुझ्या नको दूर दूरं,

येता आनंदाची लहर

मन झुरझूर करं ...

डोळ्याचं पाणी डोळ्यांत मुरं,

आनंदाने दाटतोया उर ,

काळ्या धरणीला गवसला सुर,

तु माझी आई मी तुझा नुर ,

येता आनंदाची लहर

मन झुरझूर करं ...