मी कुणाला कळलेच नाही

सखा कोण आणि सोबती कोण   

हे भेद साधे कळले नाही !  

सगळ्यांचे मन जपत राहिले   

पण माझे मन विचारात कोणी घेतले नाही !  

प्रत्येकासाठी झुरत राहिले मात्र  

 माझ्या पंखांना बळ कोणी दिले नाही ! 

 

कोणी नाही असा सोबती आला  

ज्यांनी मला छळले नाही !  

केला सामना सगळ्या सुखदुःखांशी   

त्यांना पाहून डगमगले नाही !   

कठीण काळात साथ आपल्या माणसांची   

मी कधीच सोडली नाही !  

जीवनात आले खूप दु:खाचे डोंगर   

त्यांना पाहून घाबरले नाही !  

सुखाचा आस्वाद घेताना ही   

मी कधीच अहंकार केला नाही !  

 सत्याला कधी घाबरले नाही   

खोट्यात कधीच मिसळले नाही !  

एवढे करूनही कमीच पडले   

म्हणूनच मी कुणाला कळलेच नाही !  

मी कुणाला कळलेच नाही !!