Library
Profile
मानवा घे मनी ध्यास !!
मानवा घे मनी ध्यास !!
1 min
214
असंख्य यातनांचा कल्लोळ
अवहेलना तिची ही फार
आजतरी थांबवावा हा ह्यास,
मानवा घे मनी ध्यास !!
प्रगतीचा डोंगर जेथे हसतो
तुडुंब उत्कर्ष झरा वाहतो
येथे हिरवळीस का गळफास?
मानवा घे मनी ध्यास !!
तंत्रज्ञान अन मानवाची मैत्री
दुनियेस सुख चैनेची खात्री
प्राणवायूचीही होतेय दमछाक
मानवा घे मनी ध्यास !!
सिमेंट काँक्रीट ने सजतोय माळा
त्यातील जाणिवांचा रंग काळा
कर्तव्यास साहजिकच कुजल्या वृत्तीचा घास,
आजतरी तुटावी निद्रा, फुटावा गर्वाचा आभास...!!
!!मानवा घे मनी ध्यास !!
