माणुसकी !

मदतीला होती एकमेकांची साद

कोरोनाने बळावला मनात धाक ,

माणसा-माणसातले वाढले अंतर

विषाणू बनला जीवनाचा विरोधक !

कोरोनाचा होईना निपटारा

दुःख अशांतीचा खेळ सारा,

महागाईचा वाढला पारा

कामधंद्याला नाही थारा !

जीवन मरणाच्या उंबरठ्यावर

येऊन ठेपले जग सारे,

धावपळ करताय कोरोना योद्धा

जीवाला जीवदान देणारे !

विसरून स्वतःचे सुख दुःख

डॉक्टर नर्स सेवाकरी सारे ,

देवदूत बनून संकटाच्या घडीला

माणुसकीची उघडली दारे !