रक्षा -बंधन

बाप माझा शेतकरी ! फुलविली शेतीवाडी !

माहेराला बंधू सखा ! उभा राहे पाठीराखा !!

श्रावणात आनंद उत्सव! होई सणास प्रारंभ !!

नागपंचमीचा मान ! झुला घालवितो शीण !!

बालपणीच्या आठवणी! सखी करी हितगूज !!

मिळे रमल्या मनाला ! एक घडीचा विसावा!!

धागा राखीचा बांधला ! दिवा त्यागाचा लावला !!

विनविते देवाला ! माझे आयुष्य दे भावाला !

भाऊ बहिणीची माया ! ओवळीते भाऊराया!!

टळू दे देशाची इडा पीडा ! पडू दे सुखाची छाया!!

सीमेवरच्या जवानाला ! मातृभूमीच्या रक्षणाला!!

एक धागा प्रेमाचा ! पाठविते रक्षाबंधनाला !!

भाऊ माझे किर्तीवंत ! रक्षणास सीमा प्रांत !!

भारतीयांच्या रक्षणार्थ ! आहूती प्राणांची देत !!.