लाइब्रेरी
प्रोफाइल
माझे मलाच कळेना
माझे मलाच कळेना
1 min
116
दिसता समोर दैनंदिनी
आले विचार मनात
केले वंदन शारदेस
झरले शब्द क्षणात
मनीचे शब्द झरता
ओवत गेले शब्दांना
पहाता जाहली कविता
रिक्त करता विचारांना
माझे मलाच कळेना
कशी प्रसवली कविता
वाचून पहाता तिजला
भावली जना, मम रचिता
देता विचारांना चालना
नियमित स्फूरते लेखणी
छंदची जडला जिवाला
मम लेखणी , पहा देखणी
झाला लेखनाचा सराव
येती मनात विचार
माझे मलाच कळेना
कशी झाले शब्दकार
