लावणी
लावणी
नखरेल नारी मी बाई गोड खोबऱ्याची वडी,
*मागं,मागं येऊन राया करू नका छेडाछेडी*....!!धृ!!
तुमच्या रूबाबानं मी हो किती भारावले,
तुम्हासंगतीनं पिरतीत चिंब भिजूनी गेले.
जीव ओवाळीला तुम्हावरी मी प्रेमवेडी,
*मागं,मागं येऊन राया करू नका छेडाछेडी*...!!१!!
खट्याळ तुम्ही बाई मी भांबावून जाते,
छेडाछेडीत तुमच्या सारं हरवून बसते.
पाहते मी तुमच्याकडे करूनी नजर वाकडी,
*मागं,मागं येऊन राया करू नका छेडाछेडी*..!!२!!
अवतीभवती पाहती सारे हा आगाऊपणा,
कुजबुज कानी ऐकता प्रसंग जीवघेणा.
लांब व्हा तुम्ही बाई बरी नाही अशी खोडी,
*मागं येऊन राया करू नका छेडाछेडी*...!!३!!