कोजागिरी पौर्णिमा

शरदाचे चांदणे सजले

नभांगणी सुंदर नक्षीदार

गोलमटोर चंद्रमा मध्येच

दिसतो कसा बहारदार

रत्नाकर असे आज शांत

चंद्रमाचे प्रतिबिंब पडते

दुधाळ लाटा येता किनारी

लुकलुक प्रतिबिंब हलते

नभांगणी सुंदर नजारा

निसर्गाचा हिरवाई साज

चंद्र, चांदण्याची मैफिल

रंगली कोजागिरी आज

पौष्टिक केशरी,सुकामेवा

घालून दुध तयार करू

चंद्राची शीतल पडे छाया

औषधीगुण नि माधुर्य भरू

मित्र, मैत्रीणी ,नातलगासह 

गप्पागोष्टी करूया जागरण

कोजागर्ती म्हणतं येई लक्ष्मी

जागे असे त्यास देई वर नि धन