"काय पण कसे....?"
"काय पण कसे....?"
काय पण कसे अचानक एक दिवस असे घडले,
स्वप्न की सत्य हे मज ना उलगडले||
भोळीभाबडी मी हळुवार आवाजात कुणाशी बोलले,
काय वाटले काय कुणा पण काहीतरी बदलले||
हलकेसे स्मित हास्य, डोळ्यांत वेगळीच चमक,
आवाज सौम्य असा, सर्वत्र लखलख||
वाटले मज हे असे भास क्षणीक,
मृगजळासारखे भास हे ऐक||
पण पुन्हा काही दिवस सारखे तेच घडले,
एक ना अनेक प्रश्न मजला पडले||
चिंतीत मी,थोडे निराश अन् डगमगलेले,
हे असे विचित्र क्षण का आले||
एक दिवस मग अचानक कुणीतरी दिला इशारा,
सांगितले मला हा छळण्याचा खेळ सारा||
क्षणभराचे हे सुख,मग पुढे वादळांचा पसारा,
वेळ ना झाला खूप ,स्वतःला सावरा||
मजला भास हे कसले ,संताप हा झाला ,
सर्व भावनांचा खेळ हा मांडला||
आता मी आपलेच जगते,लोभ ना कसला ,
मी खंबीर झाले ,कायमचा विचार सुटला||
वाट रूपेरी,साथ घट्ट अशी,
भय ना कुणाचे ,चालले मी संथशी ||
भाव हे मनांचे क्षणीक सारे,
मी जगतेय आनंदाने, वाहतील सुखाचे वारे......||