Library
जीवन म्हणजे काय असते
जीवन म्हणजे काय असते
1 min
987
जीवन म्हणजे काय असते
गर्भामध्ये वाढणाऱ्या बाळाची
आईशी जोडलेली नाळ असते
कि त्याच बाळाने आईवडिलांना
दिलेले एकाकीपण असते।
जीवन म्हणजे काय असते
रेल्वे च्या गर्दीत जीव मुठीत
घेऊन उभ रहाणं
कि घामाने डबडबलेल्या
कपडयाइतका मोबदला न मिळणं।
जीवन म्हणजे काय असते
तुझं माझं प्रेम असतं
प्रेम नसल्यावर आत्महत्या करणं असतं
का एकमेकांशी तडजोड करून
आठवणींचा कप्पा बंद करण्यात असतं।
जीवन म्हणजे काय असते
कोरोना साऱख्या वायरस ने
जगाला मृत्यू ची दहशत देणं
का अश्या टप्प्या टप्प्यावर
मिळणा-या वायरस शी धीराने लढणं।
जीवन म्हणजे असते
आशा निराशेची बंदीश
जी बाल्याच्या षड्जापासून झंकार ते
मृत्यू च्या नी पर्यंत
हे जाे जाणतो तोच करताे
जगण्याची फर्माईश ।
