जीवन एक रंगमंच..!

आयुष्याच्या दानाचे देवा आभार आहे 

पण रंगाच्या मंचावर जीवनाचा भार आहे

भूमिकांचा भार झाला मजसी मी शोधत आहे

अंतरीचे भाव हरवले सौख्यासी मागत आहे

नाट्याचा मंच नसे हा जीवनाचा सार आहे

मंचचा बाह्य कुठला मृत्यूचे द्वार आहे

नाट्याचे कौतुक नुसते जणू गोडी फार आहे

नात्यांची धार आणिक पाठीवर वार आहे

मंचाचा देखावा पण रसिकांची जात आहे

शरीराची साथ जरी पण हृदयाचा घात आहे

निःशब्द आताच झालो परी नाटक शेष आहे

आत्म्यास नटविले मी अन शरीराचा वेष आहे....!