जगण्याच्या उंबरठ्यावर

बोलके शब्द बोलकी लेखणी,

पण मनात काहूर गुंतलेल्या भावनांचे,

जगण्याच्या उंबरठ्यावर.....

    भटकत राहतं मन कशाचीचं उणीव नाही,

    तरीही वाटते कठीण वाट आयुष्याची,

    जगण्याच्या उंबरठ्यावर.....

एका चेहऱ्यामागे मुखवटे हजार,

कोण आपला कोण परका समजत नाही,

जगण्याच्या उंबरठ्यावर......

     सरून गेली काळी रात्र सुरू झाला दिवस स्वच्छ,

     पण मन होतं कलुषित ते निर्मळ झालं नाही,

     जगण्याच्या उंबरठ्यावर......