जगावे कसे ?

जगावे कसे? जायचे कुठे, कसे हे आधी ठरावे, जीवनमार्गावर पाऊल मग पडावे.
खायचे काय आणि किती हे कळावे,
मर्यादेच्या चौकटीत सुख नांदावे.
मिळवायचे काय, किती हे उमजावे,
मनात हव्यासाला जागा न द्यावी,
वाचवायचे किती याचे भान असावे, उधळपट्टीने भविष्य न हरवावे.
पळायचे किती, केव्हा थांबावे, हेच शहाणपण आयुष्यात शिकावे
मृत्यूचीच खात्री या जगात खरी,
जगणे मात्र असावे सजग, समाधानी, खरे. गिरीश.