हरी नामाचा गजर

अष्टाक्षरी

वारी निघाली पंढरी

विठु नाम ओठावरी

हरी भक्तीत न्हाहती

वारकरी निरंतरी

जय हरी विठ्ठलाचा

एकादशी आषाढीला

नाम गजर करिता

चला जाऊ पंढरीला

विठ्ठलाच्या गजरात

 वारकरी होती गोळा

घेता दर्शन विठुचे

वाहे आनंदाश्रू डोळा

नाम स्मरणात असे

अनामिक दृढ शक्ती 

दूर होती भवताप

करा मनोभावे भक्ती

झेंडा रोवतील तीरी

हरी नाम गजरात

दुम दुमेल पंढरी

विठ्ठलाच्या भजनात