*हळू हळू*

निघून जाते घडी क्षणांची ही प्रेमाची हळू हळू  

तू बाजूला ठेव काळजी क्रूर जगाची हळू हळू  

देऊ नकोस कुपी विषाची हातात प्रिये अशी मला

होईल मला जगता जगता सवय विषाची हळू हळू  

हरलोय मी जिंकलास तू मानून घेऊ खरे तुझे

चाखून पहा चव जराशी तू हरण्याची हळू हळू 

देऊन दगा काय मिळाले गुपीत राणी सांग तुझे 

कबर खोदली आपल्याच तू बघ नात्याची हळू हळू 

वसंता तुला जाग कशाला आली आता उन्हाळ्यात

उगम पावली नयनात नदी विना ढगाची हळू हळू