गोष्ट एका प्रीत मिलनाची
गोष्ट एका प्रीत मिलनाची
गोष्ट आहे दोन
प्रेमवेड्या पाखरांची
ओढ त्या दोघांना
फक्त एका प्रीत मिलनाची
सोबत असूनही युगानुयुगे
गोष्ट लांबच्या नात्याची
ओढ त्या दोघांना
फक्त एका प्रीत मिलनाची
आतुरलेल्या तिला
आस आहे त्याची
ओढ त्या दोघांना
फक्त एका प्रीत मिलनाची
वाळवंटासमान शुष्क झालेल्या तिला
तहान फक्त त्याची
ओढ त्या दोघांना
फक्त एका प्रीत मिलनाची
भेटायला एकमेकांना
साथ हवी असतें निसर्गाची
ओढ त्या दोघांना
फक्त एका प्रीत मिलनाची
गडगडले ढग लकाकल्या वीजा
इशारद झाली प्रेमाची
ओढ त्या दोघांना
फक्त एका प्रीत मिलनाची
झाली भेट ओझरत्या क्षणांसाठी
दोन प्रेम वेड्यांची
ओढ त्या दोघांना
फक्त एका प्रीत मिलनाची
गोष्ट होती ती विशाल धरती माय आन
तिला आपल्या थेंबांनी महान करणाऱ्या पावसाची
ओढ पृथ्वीच्या अंतांपर्यंत
फक्त एका प्रीत मिलनाची