गणेश वंदना
गणेश वंदना
तव नामाचा महिमा
शब्द नसे गुण गाया
तुची असे सुखकर्ता
गजानना गणराया 1
शुभंकर तू सर्वांचा
बाप्पा वाटे आपला
तूचीअसे दुःख हर्ता
किती नांवे रे तुजला 2
असे प्रथम पुजेचा
तुजलाची सदा मान
देतो आनंदी जीवन
करी तुझाची सन्मान 3
वेद सिद्ध , एकदंत
रणांगणी धुरंधर
करी दुष्टांचा संहार
ठेव कृपा निरंतर 4
चौदा विद्या अवगत
तव महिमा अपार
अधिपती स्वामी तूच
कुणी म्हणती मंदार 5
तूची तात तूची माता
ठेव कृपा दृष्टी सदा
हीच विनंती तुजला
नको करु कष्टी कदा 6