गंध तुझ्या प्रीतीचा

सहज सख्या सांजवेळी, उजळल्या त्या आठवणी 

दिन आले ते नजरेस , प्रीत गंधित झाली मनी    ध्रुव पद

भेट आपुली ती पहिली , मन थोडे बावरलेले  

पाहूनी विचलित मना, तूची मजला सावरलेले  

स्मरता गंध आठवांचा, हुरळून जाते मनोमनी

 दिन आले ते नजरेस , प्रीत गंधित झाली मनी    १

दिले मना अनामिक सुख , त्या अश्वासक स्पर्शाने   

करी धुंद आजही जीवा , मोहरते मन हर्षाने 

मनी पालवी अंकुरली , मम हृदयाच्या अंगणी 

दिन आले ते नजरेस , प्रीत गंधित झाली मनी    २

गंध तुझ्या प्रीतीचा, दरवळे सदाची अंतरी  

रोजच वसंत फुलतो अनुराग भरला उरी  

आजही भासे तसाच फिरुनी नितदिनी जीवनी 

  दिन आले ते नजरेस , प्रीत गंधित झाली मनी       ३