गजरा

फुले धाग्यात ओवता

होतो सुगंधी सुंदर

मन मोहक गजरा

दिसे पहा मनोहर

जातो सहजच हात

माळण्यास कुंतलात

फुले देतात आनंद

भर भरुन जीवनात

असे गजरा मोहक

वाढवीतो सौंदर्याला

आकर्षक दिसे रूप

उपयोगी शृंगाराला

नारी नेमाने माळीती

येता जाता प्रसंगात

मानी सौभाग्याचे वाण

देण्या हळदी कुंकुवात

मोग-याचा सुगंधित

हवा सदैव गजरा

मन राहते प्रसन्न 

पहा वळती नजरा

एक गजरा देवा-ही

सुगंधित आसमंत

वाटे बसावे पहात

रूप देवाचे मूर्तीमंत