गजरा
गजरा
इवलीशी चिमणा चिमणी
जमलं त्यांचे लग्न
चिव चिव करत दाणे टिपत
संसारात होते मग्न
उंच आकाशात चिमणा
फडफड उडायचा
आपल्या राणीसाठी
दाना दाना जमवायचा
तिच्या प्रेमापोटी तो
रोज आणे गजरा
व मग म्हणे तिला
तुझ्यामुळेच दिसतो साजरा
हळूहळू त्यांनी
जमवली काडी
उंच वृक्षावर
त्यांनी बांधली माडी
एके दिवशी चिमणी
म्हणे चिमण्याला
येणार आपल्या घरी
नव्या पाहुण्याला
चिमणा बिचारा आपला
विचारात रे दुबळा
काय म्हणे चिमणी राणी
समजेना त्याला
चिमणीला पण मग
होऊ लागले डोहाळे
खात बसायची
चिंच अन आवळे
चिमणा आपला म्हणायचा
खाऊ नको आंबट-तुरट
दिसायला अगदीच नाजूक तू
बसशील सर्दीने फुरफुरत
एक-दोन करत
नऊ महिने सरले
अचानक या किल्ल्यात
दोन पिल्ले अवतरले
चिमणा-चिमणी आता
होते खूप आनंदी
त्यांच्या संसाराची
सुरुवात झाली स्वच्छंदी
गच्च गच्च पिशव्या भरून
चिमणा आणायचा खाऊ
आपल्या दोन पिलांना
चिमणी भरायची खाऊ
सगळं कसं होतं
आनंदाने माखलेलं
त्या दोघांमध्ये
आता चौघांनी सजलेल
एके दिवशी चिमणा
उडत उडत गेला
टपोरे टपोरे दाणे पाहून
शिकारीत मला
त्या दिवशी सायंकाळी
घरी तो आलाच नाही
चिमणी व्याकुळ होऊन
इकडे तिकडे पाहि
पण तिला खरं
काहीच माहीत नव्हतं
आपलं कुंकु
शिकाऱ्याने पुसल होत
आकाशात पहात ती
सारखी रडायची
अन आपल्या दोन पिलांना
उराशी धरायची
सारख वाटते तिला
येतील ते लवकर
मग म्हणतील प्रिये
खा आता भाकर
दररोज रात्री तिला
तो दिसायचा
डोळे उघडले की
तो मात्र नसायचा
हळूहळू करत
आकाशात घेतली भरारी
आपल्या पिलासाठी झाली
ती झाली सबळ नारी
तीचे लहान पिले
आता खूप मोठे झाले
त्याचे पण तिने
दोनाचे चार हात केले
सगळं कसं
चांगलं होतं
पण धन्या शिवाय
तिचं मन जवळ नव्हतं
अजून वाटतंय तिला
येईल माझा साजन
आणून त्या सुंदर चोचीने
गजरा तो मालवण