एल्गार

झाली कवने अपार पण कुठे मिटला अंधार..

शब्द सारे पोकळ अन् फसवा त्यांचा आधार..!!

घृणा आणतोय मनी तुमचा मेणबत्तीचा शृंगार..

राख झालेल्या भावनांचा विझून गेलेला अंगार..!!

पुरे झाली पूजा तुमची तुम्ही नका चढवू हार..

बेगडाच तुमच्या मुखी दिसतो माणुसकीचा प्रचार..!!

कळ्या कळ्या कुस्करून मांडलेला निर्लज्ज बाजार..

लांडग्याची भूक तुमची करते हिंस्र नीच अत्याचार..!!

तुमच्यातील पुरुष सैतान सांगा माणूस कधी होणार..?

त्याचा पाशवी कृत्याविरुद्ध कधी छेडणार एल्गार..??