दुष्काळ

दुष्काळाच्या निखाऱ्यात होरपळतो पाय 

दीनदुबळी झाली माझी शेतकरी माय

रहाया नाही घरं दार ऊन करी लाह्या 

दुष्काळाच्या निखाऱ्यात होरपळली काय

 भरभरा वाहतोय सोसाट्याचा वारा

 गुर ढोरं अंगनात मागतात चारा 

झाडे वेली तान्याजली कस पाजू पाणी 

 घरामध्ये खाऊ मागतात बाळं माझी तान्ही

 पान फूल गळूनिया झाली रानोरानी 

भुई सारी भेगाळली धरणीमागते पाणी

घालतोय साल बाप पोटासाठी 

लेखी आलया लग्नाला कशा बांधू गाठी

गुडघ्यात मान घालून बसलाय बाप्

 कोणापुढे मदतीचा मागावा हात

किती संकट आलं तरी बांधतोय बळं 

कर्ज झाल डोईवर आली आत्महत्याची वेळ 

अंगातले बळ गेले खचले हो पाय 

दीनदुबळी झाली माझी शेतकरी माय