धुंद स्वप्ने
धुंद स्वप्ने
तू दवाने नाहलेली
चिंब ओलेती पहाट
थरथरते तुझी तनू
मी होतो झंजावात
जेव्हा तू दीपशिखा
मी पतंग प्रेमवेडा
मी धुंद नागराज
तू सुगंधी केवडा
जेव्हा मी सागर
तू अवखळ सरीता
वेड्या लाटा ओढ घेती
किनाऱ्याच्या भेटी करता
तुझे स्वप्नील डोळे
अजूनही भासतात
तुझ्या गालावरल्या खळ्या
माझ्या मनात हासतात
आकाशाची निळाई
आणि भावूकता स्वप्नांची
प्रत्येक हळव्या शब्दात
ओढ माझ्या मिलनाची
धुंद होतो स्वप्नी
हात तुझा हाती घेता
कशी सांगू सखे तुला
माझ्या मनीची आर्तता