धुंद झाल्या दिशा
धुंद झाल्या दिशा
बरसल्या पावसाच्या धारा
पसरे मृद्गंध चोहीकडे
धुंद झाल्या दिशा क्षणार्धात
भिजून चिंब झाली धरणी
आनंदली सृष्टी सर्वांगात
संधिकाल ही आला जवळी
पाखरे परतली खोप्यात
अंधारून येता ती रजनी
जाई रवी क्षितिजापल्याड
पल्लवित होता आशा मनी
सांजवात लागे देव्हा-यात
रातराणी आली बहरूनी
दरवळे गंध दारोदारी
शृंगाराचा चढवित साज
करी चाफेकळी बरोबरी