Library
Profile
चिंधीची झाली सिंधू
चिंधीची झाली सिंधू
1 min
439
सासु नवऱ्याच्या खाऊन लाथा
बाळंत झाली गोठ्यात
दिली काढून घरा बाहेरी
तान्हे मुलं तिच्या ओट्यात
जीव देण्या निघाली पण
जगण्याचे गवसले कारण
दीना अनाथ दुबळ्यांचे
घेतले तिने आई पण
त्या चिंधीचा झाला
एक भरजरी पितांबर
अनाथावरी तोलून धरले
तिने मायेचे अंबर
कधी मागितली भीक
तर कधी पसरला पदर
अशा रीतीने त्या चिंधीचा
जाहला एक भरजरी पितांबर
पतीलाही क्षमा केली
केला त्याचा सांभाळ
ठसठशीत कुंकवाने
सदैव भरलेले भाळ
डोईवरती पदर नजरेत
शीतलता चंद्राची
अशी झाली ती माय
सार्या दीन अनाथांची
सूर गवसला जगण्याचा
वसा घेतला जगवण्याचा
चिंधीची ची झाली सिंधू
सिंधुताई सपकाळ
आज अचानक तिजला
घेऊन गेला दुष्ट काळ
अनाथाच्या मायेची
अनाथ झाली बाळ
