चिंब भिजt या (बालगीत)

चला पावसात भिजू

झेलू पावसाचे पाणी

भिजण्याची मजा न्यारी

खेळू नाचू गाऊ गाणी

पावसात भिजण्याची

पूरी करु आज हौस

सरीवर सरी येती

आला रे मोठा पाऊस

नभी गडगडे ढग

मधे वीज चमकते

नका घाबरु वीजेला

बघ म्हातारी दळते

फाडा वहीची ती पाने

करु कागदाच्या होड्या

सोडू पाण्यात तयांना

मस्ती करु, थोड्या खोड्या

पहा पागोळ्या पडती

भरु थेंब ओंजळीत

फेकू अंगावर पाणी

मजा येते पावसात