बहरला वसंत
बहरला वसंत
नव चैतन्य नवी पालवी
नटली वृक्ष राजी
आम्रतरु तो बहरुन आला
मोहर त्याचा असे साजरा
कधी उष्ण कधी गारवा
वाहे चहूकडे अवखळ वारा
कोकिळ तो कुठे लपला
मंजूळ स्वर त्याचा ऐकू आला
वसंत हा असा बहरला
नव चैतन्य, वृक्ष पालवीने हा नटला
हर्ष उल्हास मनी दाटला
वसंत नवी उमेद जागवून गेला
ऋतू राज हा असे साजरा
बहरला वसंतात सोहळा
वाहे आनंदाचा चोहीकडे वारा
बहरला वसंत हा घेऊन संसार सारा