भेट तुझी माझी

भेट तुझी माझी स्मरते 

अजूनही ती पूर्वीची 

आतुरता हृदयात असायची

तुला भेटण्याची 

तासनतास पहात बसायचो

वाट तुझ्या येण्याची 

अधिरता मनात असायची

तुला पाहण्याची 

दिवसरात्र विचार डोक्यात 

तुझाच तर असायचा

तुझे प्रेम मिळविण्यासाठी 

जीव तळमळायचा

असेच काहीसे झाले मजला

आता ही अनेक वर्षांनी

इस्पितळात पडलो असता

मात्र दूर फक्त मनानी

आठवण तुझीच असायची 

झोप ही नसायची

चिंता तूझ्या डोळ्यांमधली

सतत मला दिसायची

किती धैर्य दाखवले होतेस

काळजी घेतलीस माझी

माझे बरे होवून घरी येणे

ही खरी किमया तुझी

आतुरता हृदयात आहे

अजूनही ती पूर्वीची 

साथ कधी न सुटावी

ही हाक अंतरीची

असे निरंतर प्रेम आपले

बहरतच सदा राहवे

मनात अजूनही तसेच वाटते

डोळ्यांत सतत तुझ्या पहावे

भेट तुझी माझी स्मरते 

अजूनही ती पूर्वीची 

आतुरता हृदयात असायची

तुला भेटण्याची