Library
भारतमाता तूच आमुची देवता
भारतमाता तूच आमुची देवता
तू जिजाऊ.. तूच सावित्री...
तुझ्या कर्तृत्वाची मशाल
अखंड राहती तेवत......
शिक्षणाच्या सुसंस्कारातून
अंधारात वाट काढत उजळत
राहती प्रकाशाच्या दाहिदिशा....
अन्याय,अत्याचार सहन करुनही
न डगमगता धैर्याने लढत राहून
जिंकलीस अस्तित्वाची लढाई.....
शिवराय, स्वामी विवेकानंद यासारखे
अलौकिक व्यक्तीमत्व देशासाठी
ठरले भूषणावह ही तुझीच किमया...
तुमच्याच कार्याचा वारसा चालवतात
इथे आव्हानांचे अमर्याद डोंगर पेलून
अनेकजण न थकता,न हारता....
तुझ्याच संस्कारातून फुलते
थोर आमुची भारतीय संस्कृती
ठेवू आम्ही याचाच सार्थ अभिमान...
स्त्री भ्रूणहत्यासारखे पाप
आता कधीच न घडावे हातून
यासाठी करतो मनोमनी निर्धार...
लेकीलाही लेकासमान वाढवून
स्त्री- पुरुष समानतेचा आदर्श
जगात अभिमानाने मिरवू.....
बेटी बचाओ,बेटी पढाओ
याचे महत्त्व जाणोनि मनोमनी
प्रबोधनाचा करु अविरत जागर....
तूच आमुची भारतमाता
तूच आमुची देवता ,
वंदन तुजला करितो
तुझ्या चरणी ठेवूनी माथा....
