ब-याच दिवसांनी
ब-याच दिवसांनी
बर्याच दिवसांनी आज
घडला संवाद मनाचा अंतर्मनाशी
ना राहिली कुठली खंत ना वेदना कशाची
बर्याच दिवसांनी आज
डोळ्यात साठवलेल्या
अश्रूंना वाट मिळाली
काही सुटल्या आठवणींना शब्दांची भेट झाली
बर्याच दिवसांनी
आज मायेच्या पदराखाली
बालपणाला वाटले गोंजरावे
गतकालीन क्षणांनी परत हसून
कडू-गोड आठवणींना मनामध्ये नव्याने सजवावे
बर्याच दिवसांनी आज
वाटले दूर कुठेतरी क्षितिजावर पाऊल ठेवावे विचारांना नवी दिशा देत नव्याने आज पुढे जावे
बऱ्याच दिवसांनी
वाटले हरवलेल्या मनाला कुठेतरी शोधावे अन् अडखळलेल्या या वाटेला हसत पार करावे
बऱ्याच दिवसांनी
वाटले आयुष्य हे भरभरून जगावे मनसोक्त फिरतांना वाटा नेईल तिकडे स्वच्छंदी बागडावे अन् यशाला गवसणी घालत
स्वतःला कवेत घ्यावे..