अबोला हा सोड गं....

प्रितीचे हे धागे सखे

प्रेमाने तू जोड गं ।

पुरे झाले रुसणे, फुगणे आता

अबोला हा सोड गं ।।

तळमळतोय मी तुझ्याशी बोलायला

बघायला आणि कवेत घ्यायला ।

ये मज जवळी सखे तू

दुरावा हा नष्ट करायला ।।

गात बसतो मी विरहगीत

तुझ्या गं आठवणीत ।

तू मात्र बसली सखे

तुझ्या घरी गं चैनीत ।।

कळू दे गं सखे साजने

तुला माझ्या अंतरीच्या भावना ।

माफ कर मला सखे गं

तुझे रूप दाव ना ।।

देतोय वचन हा अजय तुला गं

अर्धांगिनी मी तुलाच बनवणार ।

देणार आयुष्यभर साथ सखे

तुला कधीच नाही गं फसवणार ।।