आयुष्याचे दिस चार....

आयुष्याचे दिस चार

जगायचे सौख्य भरे ।

यावे माझ्या झोपडीत

माझे मन जिला स्मरे ।।

एक इच्छा अंतरीची

प्रेम तिने स्विकारावे ।

हात देऊनी हातात

प्रेमगीत सदा गावे ।।

तीच माझी स्वप्नपरी

मानलेली अर्धांगिनी ।

तीच आहे बनणार

माझी जीवन संगिनी ।।

प्रेम तिनेही करावे

मजवरी नित्य ऐसे ।

पहिल्याच पावसाची

चातकाला ओढ जैसे ।।

साथ तिची हवी आहे

नको मज अन्य काही ।

तिच्याविना जिने मज

देवा आता शक्य नाही ।।