लाइब्रेरी
प्रोफाइल
आठोळी कविता
आठोळी कविता
1 min
176
गत जन्माची सय मनातली
ओझं होई का सल उन्हातली
छळ मांडला का असा संसारी
प्रश्न मनासी खंत ही उरातली
अनामिका ठरले या सांसारी
क्षणास ओळख ती नाकारली
विरुनी आज पुन्हा हसे सावली
स्मितात या अश्रुंची फुले हसली
🌸🌸🌸🌸🌸🌸🌸🌸🌸🌸🌸🌸🌸
आज जुन्या त्या वाटे वरती
पावले आपसुक बळावली
भेटली ती नव्याने मनातली
ओळखीची आपली सावली
काल भेटल्या सावली सोबती
क्षणिक धुकयाची आस होती
भेटली ती नव्याने त्या क्षणातली
आभासिक छबी माझीच होती
🌸🌸🌸🌸🌸🌸🌸🌸🌸🌸🌸🌸🌸
एक अनामिक ओढ अंतरी
चंद्र मनीचा खिळवुनी गेली
अजुनीही गुंतली जी नजर
भाव मनीचा सांगूनी गेली
केविलवाणी चकोर खुली ती
चांदनीस राग देवुनी गेली
नभी उगवता चंद्र्कोर ती
घाव हृदयी घालूनी गेली
