लाइब्रेरी
प्रोफाइल
डोळ्यांनी
डोळ्यांनी
1 min
206
लाजवंती सांजवेळी लाजली डोळ्यांनी
भेटण्याची आर्तता ही दावली डोळ्यांनी
तोड राणी तू अबोला जीवघेणा आता
रानचाफ्याशी अबोली बोलली डोळ्यांनी
तू नशेची बाटली आहेस का लावण्या
दोन प्याल्यांची नशा मज पाजली डोळ्यांनी
आसवांना तूच माझ्या चुंबिले ओठांनी
मग सुनामी भावनांची रोखली डोळ्यांनी
संपला अंधार सारा साजणी आल्याने
वीज माझ्या काळजावर पाडली डोळ्यांनी
