आशा

आशा निराशा हा ऊन सावलीचा 

जसा चालतो जीवनात खेळ |

सुख दुःखाच्या आडव्या उभ्या

रेषांनी घातलेला जणू मेळ | |१| |

मनासारखे नाही पडत नेहमीच

जिवनाच्या सारीपटावर फासे |

आशेच्या किरणांची वाट पहात

टाकत असतो आपण उसासे | |२| |

आशा आहे जिवनात म्हणूनच

करता येते सहज निराशेवर मात |

निराशेच्या गर्तेत सापडलेल्यांना

आशेच्या किरणांचीच साथ | |३| |

आशा देते आत्मबळ आव्हानांना 

सामोरं जाण्यासाठी लागणारं |

निराशाजनक प्रसंगी होते ध्येय

पुन्हा प्रयत्न करा सांगणारं | |४| |