लाइब्रेरी
प्रोफाइल
आईची माया
आईची माया
1 min
329
गोड अमृतासमान
आहे आईची माया
धाव घेतसे संकटी
मिळे थंडगार छाया....!!
आभाळाएवढी माया
दुधावरचीच साय
येते काळीज चाटून
बाळ म्हणतो रे माय....!!
कसे आईच्या कुशीत
सुख स्वर्गाचे पाहिले
चिमुकल्या बाळासाठी
कष्ट सारे रे वाहिले......!!
गोड वात्सल्य आईचे
मिळे नशिबवानाला
नसे अर्थ आईविना
आपुल्या रे जीवनाला....!!
आई चाहूल लागता
सोसे कळाचा मार
गोड वात्सल्याचा झरा
पाजी अमृताची धार.....!!
मज ना आईची माया
आठवते नित्य आई
अचानक तू जाण्याची
कशी केलीस ग घाई.....!!
