आई मायेचा सागर

माय मायेचा सागर

जशी मंदिराचा कळस

माय शब्दच असतो पवित्र

जशी अंगणातील तुळस ||

बोलायला, चालायला शिकवी

तिच्यामुळेच जगण्याला अर्थ

अस्तित्व घडवणारी माझी माय

तिच्याविना माझे जीवन व्यर्थ ||

असते दुधाळ,मधाळ सावली

हृदयी साठा ,सुखाचा माय

जिवाचे रान करणारी आय

जशी भासते दुधावरील शाय ||

  

आईचे जन्मो जन्मीचे ऋण

तिने सोसल्या यातना कोटी

जगी मोल नाही यातनाचे

जन्म लाभला तिच्या पोटी ||

 आई साष्टांग नमन चरणी

आहेस आई लय भारी

म्हणून स्वामी तिन्ही जगाचा

आई विना भिकारी ||