लाइब्रेरी
प्रोफाइल
आबादानी
आबादानी
1 min
251
हात चालवे कृषीवल
पेरणीस लई वेगानी
मनी आस लई झुलते
आवंदा होवो आबादानी (१)
केली वरुणाने किरपा
रिमझिमते धाराराणी
सुर्व्यानं प्रकाश दिलाया
रोपं आली हो बहरुनी (२)
नवनवीन येता तंत्र
उपक्रम हो राबिवला
खतं बियाणं आनल्याति
शहरातूनी आवंदाला (३)
घरादारातली समदी
लई शेतात राबलोया
मळणी जोमानं क्येल्याली
खळं उदंड भरलंया (४)
आता चारा हो मायंदाळ
जितराबं खुशीनं खुळं!!
अस्तुरीला घेईन मणी
दुद प्येतिल पोरंबाळं (५)
मोती फुलले घामातून
पीक आलं भरभरुन
सार्थक करसि कष्टाचं
झालंया देवा , समाधान!! (६)
