അനശ്വര ബന്ധം

കാവ്യ അമ്മയോടൊപ്പം ബസ് സ്റ്റോപ്പിൽ നിൽക്കുകയായിരുന്നു. അവൾ രണ്ടാം വർഷ ബിടെക് വിദ്യാർത്ഥിനിയായിരുന്നു. അവളുടെ അമ്മ ആ കോളേജിലെ പ്രൊഫസറായിരുന്നു. പെട്ടെന്ന് ഒരു കാർ അവളുടെ അരികിൽ നിർത്തി. ഒരാൾ പുറത്തേക്കിറങ്ങി അവളുടെ കൈ പിടിച്ച് അവളോട് "അഞ്ജു, കയറൂ" എന്ന് പറഞ്ഞു. അവൾ കാവ്യയാണെന്ന് ബോധ്യപ്പെടുത്താൻ അവളും അമ്മയും ശ്രമിച്ചെങ്കിലും അത് വെറുതെയായി.

താമസിയാതെ ഒരു സ്ത്രീ കാറിൽ നിന്നിറങ്ങി അവളോടും അമ്മയോടും അകത്തേക്ക് കയറാൻ അഭ്യർത്ഥിച്ചു. അവർ കാറിൽ കയറി. അത് മാനസികാരോഗ്യ കേന്ദ്രത്തിലേക്ക് ഓടിക്കയറി, അവന് ഉറക്കത്തിന് മരുന്നുകൾ നൽകി. പെട്ടെന്ന് ആ സ്ത്രീ തന്റെ കഥ പറയാൻ തുടങ്ങി. വിപുൽ, അതായിരുന്നു അവരുടെ മകന്റെ പേര്. "ചെറുപ്പത്തിൽത്തന്നെ പിതാവ് അവരെ വിട്ടുപോയി. കുട്ടിക്കാലം മുതൽ അവനു വളരെ ദേഷ്യവും വാശിയുമായിരുന്നു. അഞ്ജുവിന്റെ വരവിന് ശേഷമാണ് അദ്ദേഹം ശാന്തനായിത്തീർന്നത്. ആദ്യം അവൾ അവന്റെ ഏറ്റവും വലിയ ശത്രുവായിരുന്നു. പിന്നീട് അവർ നല്ല സുഹൃത്തുക്കളായിത്തീർന്നു. സൗഹൃദം വൈകാതെ പ്രണയമായി. ഒരു ദിവസം അവൻ അവളോടൊപ്പം ബീച്ചിലേക്ക് പോയി, അവളുടെ ബാലൻസ് നഷ്ടപ്പെടുകയും തിരയിൽ വീഴുകയും ചെയ്തു. രണ്ട് ദിവസത്തിന് ശേഷം ഞങ്ങൾക്ക് അവളുടെ ശരീരം ലഭിച്ചു. അവൾക്ക് കടലിനെ ഭയമായിരുന്നു, തിരയിൽ കളിക്കാൻ അവനാണ് അവളെ നിർബന്ധിച്ചത്. അതിനാൽ അവൻ വിശ്വസിക്കുന്നത് അവനോട് ദേഷ്യപ്പെട്ടു, പിണങ്ങി പോയതാണെന്ന്. അതിനാൽ അവൻ കാവ്യയെ കണ്ടെത്തുന്നതുവരെ അഞ്ജുവിനെ അന്വേഷിക്കുന്നു." അവർ കണ്ണുനീർ നിറഞ്ഞ കണ്ണുകളോടെ പറഞ്ഞു നിർത്തി.

താമസിയാതെ ഡോക്ടർ വന്ന് കാവ്യയോട് അഞ്ജു ആകാൻ ആവശ്യപ്പെട്ടു. ആദ്യം അവൾ നിരസിച്ചുവെങ്കിലും അവന്റെ അമ്മയുടെ അഭ്യർത്ഥന പരിഗണിച്ച് അത് സ്വീകരിച്ചു. പക്ഷെ ഉറക്കത്തിൽ നിന്ന് ഉണർന്ന അവൻ അവളെ ശിക്ഷിക്കാനും ശകാരിക്കാനും തുടങ്ങി. എന്നാൽ താമസിയാതെ അവൻ അവളെ കെട്ടിപ്പിടിച്ചു, അവനെ ഒരിക്കലും പിരിയരുതെന്ന് പറഞ്ഞു. അവനോട് ദേഷ്യം തോന്നിയെങ്കിലും ആ അമ്മയ്ക്ക് വേണ്ടി അഭിനയം തുടരാൻ അവൾ തീരുമാനിച്ചു.

അടുത്ത ദിവസം വിപുൽ അവൾക്കായി വാങ്ങിയ സമ്മാനങ്ങൾ കാണിച്ചു. അവയൊന്നും വജ്രത്തിന്റെയത്ര വിലയേറിയതായിരുന്നില്ല. എന്നാൽ അത് ആത്മാർത്ഥ പ്രണയത്തിന്റെയത്ര വിലപ്പെട്ടതായിരുന്നു. കണ്ടപ്പോൾ അവൾക്ക് അഞ്ജുവിന്റെ ഭാഗ്യം ഓർമ വന്നെങ്കിലും വിധിയെക്കുറിച്ച് ഓർത്ത് അവൾക്ക് സങ്കടം തോന്നി. ദിവസങ്ങൾ കഴിയുന്തോറും അവളുടെ വിദ്വേഷം പ്രണയമായി ഉരുകി. 

ഒരു ദിവസം ഡോക്ടർ കാവ്യയോട് ബന്ധം നിർത്താൻ ആവശ്യപ്പെട്ടു, അവൾ അവനെ വെറുക്കുന്നുവെന്നും മറ്റൊരാളെ സ്നേഹിക്കുന്നുവെന്നും പറഞ്ഞു വിശ്വസിപ്പിക്കാൻ പറഞ്ഞു. അന്നു മുതൽ അവൾ പ്രശ്നങ്ങൾ സൃഷ്ടിക്കാൻ തുടങ്ങി. ആദ്യം ഒക്കെ അവൻ എല്ലാം സഹിച്ചു. എന്നാൽ പിന്നീട് മറ്റൊരു ബന്ധത്തെക്കുറിച്ച് കേട്ടപ്പോൾ അവന് ദേഷ്യം തോന്നി. അവൻ അവളെ വീട്ടിൽ നിന്ന് പുറത്താക്കി. പക്ഷേ ആ ദേഷ്യം അവനെ എല്ലാം ഉൾകൊള്ളാൻ പ്രേരിപ്പിച്ചു. അവൻ അവളെ വെറുക്കുന്നുവെന്ന് അവൾക്കറിയാമെങ്കിലും അവൾ അവനെക്കുറിച്ച് അറിയാൻ ആശുപത്രിയിൽ ആകാംക്ഷയോടെ കാത്തിരിന്നു. താമസിയാതെ നഴ്സ് എത്തി, അയാൾക്ക് കുഴപ്പമില്ലെന്നും അവന്റെ മനസ്സ് അവളുടെ മരണം അംഗീകരിച്ചുവെന്നും പറഞ്ഞു.

താമസിയാതെ കാവ്യ അവന്റെ മുറിയിലേക്ക് ഓടി. അവൻ അവിടെ ഉണ്ടായിരുന്നു, അവന്റെ അമ്മ അവന്റെ അടുത്തായിരുന്നു. വാതിൽ തുറന്നപ്പോൾ അയാൾ അവളോട് "നിങ്ങൾ ആരാണ്?" തുറക്കുന്നതിനുമുമ്പ് വാതിൽ മുട്ടാഞ്ഞത് ഇഷ്ടപ്പെടാതെ അവൻ ചോദിച്ചു. അവൾ കണ്ണുനീർ മറച്ച് അടുത്ത മുറിയിലേക്ക് പോകാനാണെന്ന് പറഞ്ഞു. അതോടെ അവൾ അവനോടും ആ ആശുപത്രിയോടും വിട പറഞ്ഞു. അന്ന് രാത്രി കാവ്യയ്ക്ക് ഉറങ്ങാൻ കഴിഞ്ഞില്ല. അവൾ അമ്മയെ കെട്ടിപ്പിടിച്ചു പറഞ്ഞു, ഭൂമിയിൽ ഒരു ജന്മം കൂടി ഉണ്ടെങ്കിൽ അത് വിപുലിന്റെ അഞ്ജു ആയിട്ടാകണം.

രണ്ടു വർഷത്തിനു ശേഷം കാവ്യയ്‌ക്കായി ഒരു വിവാഹാലോചന വന്നു. പയ്യനായി വിപുലിനെ കണ്ടെപ്പോൾ അവൾ അത്ഭുതപ്പെട്ടു. അവന്റെയമ്മ പറഞ്ഞു തുടങ്ങി, "വിപുലിന്റേയും അഞ്ജുവിന്റേയും സ്നേഹം വളരെ വലുതായിരുന്നു... പക്ഷേ കാവ്യ അവനോട് കാണിച്ച സ്നേഹവും കരുതലും അതിലും വലുതാണ്, ആ സ്നേഹമാണ് എന്റെ മകനെ തിരികെ നൽകിയത്. അതിനാൽ ഞാൻ അവനേ നിനക്ക് ആയി സമ്മാനിക്കുകയാണ്. ഇത് ഞങ്ങളുടെ തീരുമാനമല്ല, മറിച്ച് വിധിയോ നിയോഗമോ ഒക്കെയാകാം. അഞ്ജു നമ്മെ സ്വർഗത്തിൽ നിന്ന് കാണുന്നുണ്ടെങ്കിൽ അവളും സന്തോഷവതിയാകും, അവളുടെ വിപുലിന് അവളെ പോലെ തന്നെ സ്നേഹിക്കുന്ന ഒരു പങ്കാളിയെ കിട്ടിയതിൽ. ഇതും പറഞ്ഞ് ആ അമ്മ അവരുടെ കൈകൾ ബന്ധിപ്പിച്ചു . അവിടെ തുടങ്ങുകയായിരുന്നു ഒരു പുതിയ പ്രണയകഥ.