പൂവേ കൊഴിഞ്ഞു പോക
പൂവേ കൊഴിഞ്ഞു പോക
"പൂവേ കൊഴിഞ്ഞു പോക "
പൂമരം ശാസിച്ചു ...
"ഇല്ല ഞാൻ നിന്നെ വിട്ടെങ്ങും പോകയില്ല "
പൂവ് കെഞ്ചി പറഞ്ഞു
" നിന്റെ ഭാരം ഇനി ഞാൻ പേറില്ല
എന്നിലെ പുതിയ പൂക്കൾക്കുള്ളതാണീ
കൊമ്പുകൾ "
പൂമരം ഗർജിച്ചു.
"നിന്നിൽ നിന്നു ഉയിർ കൊണ്ടവൾ ഞാൻ,
എനിക്കു അറിയില്ല ഇനി ജീവിക്കാൻ"
പൂവിന്റെ
കണ്ണീര് ഭൂമിയെ തൊട്ടു
കാറ്റ് വന്നു, പൂമരം -
കൊമ്പു കുലുക്കി പൂവ് വീണു
മണ്ണിൽ അലിഞ്ഞു ...