ಮಾಮರ ಚಿಗುರಿತು

ಅವಳು ಬೆಳಿಗ್ಗೆ ಎದ್ದಾಗ ಕಿಟಕಿಯಿಂದ ಚುಮು ಚುಮು ಕಿರಣಗಳು ಅವಳ ಮುಖದ ಮೇಲೆ ಕಚಗುಳಿ ಇಡುತ್ತಿದ್ದವು.ಅಂದು ಭಾನುವಾರ. ನಿಧಾನಕ್ಕೆ ಹಾಸಿಗೆಯಿಂದ ಮೇಲೆ ಎದ್ದು, ಹಲ್ಲು ಬ್ರೆಷ್ ಮಾಡಿ, ಮತ್ತೆ ಹಾಸಿಗೆಯಲ್ಲಿ ಕುಳಿತು , ಕಿಟಕಿಯ ಹೊರಗೆ ಕಣ್ಣು ಹಾಯಿಸುತ್ತಿದ್ದಳು. ಇದುವರೆಗೂ ಒಣಗಿದ್ದ ಮಾವಿನ ಮರಗಳು ಮೆಲ್ಲಗೆ ಚಿಗುರುತ್ತಿದ್ದವು. ಹಾಗೆ ದಿಟ್ಟಿಸಿ ನೋಡುತ್ತಾ ಕುಳಿತಿದ್ದ ಅವಳಿಗೆ, ಒಣಗಿಹೋಗಿದ್ದ ತನ್ನ ಬಾಳವೃಕ್ಷವೂ ಸಹ ಈಗ ಮತ್ತೆ ಮನುವಿನಿಂದ ಚಿಗುರುತ್ತಿದೆ ಎಂಬ ವಿಷಯ ಅವಳಲ್ಲಿ ಉಲ್ಲಾಸ ಮೂಡಿಸಿತು.