ಶುಭಾಶಯ ಗೀತೆ

                    

 

ಗುರುಗಳ ಗಣಕೆ ಇದೋ  ವಂದನೆ

ನೆರೆದಿಹ ನಿಮಗೆ ಅಭಿನಂದನೆ

ಹರುಷವನ್ನು ತಂದಿದೆ ಈ ಸುದಿನ

ಒಲವಿಂದ ಹಾಡುತಿದೆ ಈ ಮನ              || ಪ ||

ಶುದ್ಧ ಸ್ಫಟಿಕ ಬೆಳದಿಂಗಳ ಮನಸು ನಿಮ್ಮದು

ಹಾಲು ಜೇನಿನೊರತೆಯ ನುಡಿಯು ನಿಮ್ಮದು

ಏನೇ ಬರಲಿ ಏನೇ ಇರಲಿ ಎಲ್ಲ ಮರೆಸುವ

ವಿದ್ಯೆ ಕಲಿಸಿ ನಲಿಸುವ ಗುಣವು ನಿಮ್ಮದು        || 1 ||  

ಮೇಣದಂತೆ ಕರಗಿ ಜ್ಞಾನ ಪ್ರಭೆಯ ಬೀರುವ

 ವಿದ್ಯೆ ಪ್ರತಿಭೆಯಿಂದ ಜಗದ ಬದುಕ ಬೆಳಗುವ

ಬುದ್ಧಿಹೇಳಿ ತಿದ್ದಿತೀಡಿ ನಡೆಸಿ ಬೆಳೆಸುವ

ಜೀವನದ ಅಕ್ಷರವ ಬರೆಸಿ ಹರಸುವ            || 2 ||

 

ನಿಮಗೆ ಶುಭವ ಕೋರುತಿರುವ ದಿನದ ಈ ಕ್ಷಣ 

ಹೃದಯ ತುಂಬಿ ಹಾಡುತಿರಲು ನೀವೇ ಕಾರಣ

ಮನಸಾರೆ ಹೇಳುವೆನು ಮಿಡಿವ ಮಾತ ನಾ

ಈ ಕವನ ದವನವು ನಿಮಗೆ ಅರ್ಪಣ           || 3 ||