ಪ್ರೇಮದ ಸಿಂಧೂ

ಅನು ಕ್ಷಣವೂ ನಿನ್ನ ನಾಮದ ರೂಪವೇ

ಮನದ ಮೈದಾನದ ತುಂಬೆಲ್ಲಾ ಹೂವಾಗಿ ಅರಳಿದೆ

ಬಾಡಿದ ಬಳ್ಳಿಯಲ್ಲಿ ನಿನ್ನ ಪ್ರೇಮದ ಪನ್ನೀರ ಚೆಲ್ಲಿ

ನವ ಕುಸುಮವೊಂದು ಮರಳಿ ಜನುಮ ತಾಳಿದೆ

ನಿನ್ನ ಪ್ರೇಮ ಗಂಧ ಚೆಲ್ಲಿದ ಕಡೆಯೆಲ್ಲಾ ಮಮತೆಯ ಮಳೆಯಾಗಿದೆ

ಭೂಮಿಗೂ ನಿನ್ನ ವಾತ್ಸಲ್ಯ ಕಂಡು ಶರಣಾಗುವ ಮನಸಾಗಿದೆ

ಹೋಲಿಕೆ ಇಲ್ಲದ, ಹೋಲಿಸಲು ಆಗದ ಪ್ರೇಮ ಸಿಂಧೂ ನೀನೆಂದು ಮನ ಸಾರಿ ಹೇಳುತಲಿದೆ

ಪ್ರೇಮದ ಪ್ರತಿ ಬಿಂದುವಿನಲ್ಲಿ ನಿನ್ನ ಒಲವಿನ ಮಾಲೆಯ ಕಟ್ಟುವಾಸೆ

ಮಾಲೀಕನಿಗೆ ನನ್ನ ಪ್ರೇಮಾರ್ಪಣೆಯ ಸಲ್ಲಿಸುವ ಬಯಕೆಯ ತುದಿಯಲ್ಲಿ ಮಿಯ್ಯುತಿದೆ ನನ್ನೆದೆಯ ಹಾಡು

ಸ್ವರ ರಾಗದಲ್ಲಿ ಅವನದೇ ಉಸಿರಿನ ಕೊಳಲ ನಾದದ ಸಾರವು ಕೇಳುತಲಿದೆ

ಇಂಪಾಗಿ ಹೊಮ್ಮಿದ ಅಮೃತದ ಸಂಗೀತಕ್ಕೆ ಹೃದಯವೇ ನಾಟ್ಯ ನವಿಲಿನ ರೀತಿ ನರ್ತಿಸುತಲಿದೆ.