ಮನದರಸಿಯ ನೆನಪಿನಲ್ಲಿ...

ನನ್ನೆದೆಯ ಅರಮನೆಯಂಗಳದಲ್ಲಿ 

ನೀ ಚುಕ್ಕಿ ಇಟ್ಟ ರಂಗೋಲಿಯ ಸಾಲು 

ನಿನ್ನ ದಾರಿ ಕಾದು ಕುಂತಿವೆ

ಹೊಸ್ತಿಲಿಗೆ ಕಟ್ಟಿದ ಮಾಮರದ ತೋರಣವು

ಬಾಡಿಪೋಗಿದೆ ನೀ ಬಾರದೆ

ನಿನ್ನ ಪಿಸು ಮಾತಿಲ್ಲದೆ

ಕೋಗಿಲೆಯೊಂದು ಹಾಡದೆ

ಉಸಿರುಕಟ್ಟಿ ಕೂತಿದೆ

ಮನೆಯಂಗಳದಿ ಅರಳಿನಿಂತ

ದುಂಡು ಮಲ್ಲಿಗೆಯೊಂದು

ನಿನ್ನ ನಗುವ ಕಾಣದೆ

ಆತ್ಮಹತ್ಯೆಮಾಡಿಕೊಂಡಿದೆ

ನಿನ್ನ ಸ್ಪರ್ಶವಿಲ್ದೆ 

ತಂಗಾಳಿಯು ಬೀಸದಾಗಿದೆ

ನಿನ್ನ ಆಗಮನಕ್ಕಾಗಿಯೇ

ಕಾಯುತ್ತಿದ್ದ ದಾರಿಯೊಂದು

ಕಾಲ್ಗೆಜ್ಜೆಯ ಸಪ್ಪಳವಿಲ್ಲದೆ

ಮೌನವಾಗಿಯೇ ಮಲಗಿದಂತಿದೆ

ನಿನಗಾಗಿ ಕಾಯುತ್ತಿದ್ದ

ಬೀದಿದೀಪವೊಂದು

ಬೆಳಕಿರದೆ ಮಂಕಾಗಿಯೇ ನಿಂತಂತಿದೆ

ನಿನ್ನ ಪಿಸು ಮಾತಿಲ್ಲದೆ

ಗೆಜ್ಜೆಯ ಗಲ್ ಗಲ್ ಸಪ್ಪಳವಿಲ್ಲದೆ

ನಿನ್ನ ಮುಗುಳ್ನಗೆಯಿಲ್ಲದೆ

ನಿನ್ನ ಸ್ಪರ್ಶವಿಲ್ಲದೆ ,ನೀನಿಲ್ದೆ

ಏನಿದ್ದರೇನು ಎದೆಯ

ಅರಮನೆಯು ಬಿಕೋ ಎನಿಸುತ್ತಿದೆ