ಮರೆತ ನಗು

ದಿನನಿತ್ಯದ ಕೆಲಸಗಳ ನಡುವೆ

ಜೀವನದ ಜಂಜಾಟದೊಳಗೆ

ಗೃಹಿಣಿಯಾದಾಕೆ ನಗುವನ್ನೇ

ಮರೆತಿರುವಂತೆ ಆಗಿಹಳಲ್ಲಾ..?!

 

ಎಷ್ಟೇ ಸಮಯ ಬೇಕೆಂದರೂ,

ಜಾದುವಿನಂತೆ ಹಗಲು-ರಾತ್ರಿ ಮೂಡಿ,

ಆಕೆಗೆ ಸಮಯವೇ

ಇಲ್ಲದಂತೆ ಆಗಿದೆಯಲ್ಲಾ..?!

ಎಷ್ಟೇ ತಾಳ್ಮೆ ತಂದುಕೊಂಡರೂ,

ಅವಳೂ ಮನುಷ್ಯಳಲ್ಲವಾ..?

ತನ್ನ ನೈತಿಕ ಸಿಟ್ಟು, ಕೋಪ ತಾಪಗಳ

ಹೊರಹಾಕದೇ, ಒಳಗೇ ಬಚ್ಚಿಟ್ಟು 

ಕುದಿಯುತಿಹಳಲ್ಲಾ..?! 

ಎಷ್ಟೇ ಯಂತ್ರದಂತೆ ದುಡಿದರೂ 

ಅಳು-ನಗು, ನೋವು-ನಲಿವು,

ಸುಖ-ದುಃಖ ಆಗುವ ಆಕೆಯೂ ಭಾವಜೀವಿಯಲ್ಲವಾ..?! 

ಎಷ್ಟೇ ಬೇಸರವಾದರೂ, 

ಜೀವನ ಸಾಕೆನಿಸಿದರೂ,

ತನ್ನವರಿಗಾಗಿ ಮತ್ತೊಮ್ಮೆ

ಮಗದೊಮ್ಮೆ ಮೈಕೊಡವಿ 

ಎದ್ದು ನಿಲ್ಲುತಿಹಳಲ್ಲಾ..?!