ಧನ್ಯವಾದಗಳು ಗುರುದೇವ

 

ನಿಶೆಯ ಕಾರ್ಗತ್ತಲಿನಲಿ  

ದಿಶೆಗೆಟ್ಟು ನಾ ಕುಳಿತಾಗ

ಉಷೆಯ ಕಿರಣಗಳ ಹೊತ್ತು

ದಿಶೆಯ ತೋರಿದ ಹೇ ಗುರುವೇ 

ಸಂಸಾರದ ಲೆಕ್ಕಾಚಾರಗಳ 

ನಿಸ್ಸಾರವೆಂದು ಭೋಧಿಸುತ

ರಸರೂಪಿ ಚೈತನ್ಯದೆಡೆಗೆ 

ರಸ್ತೆ ತೋರಿಸಿದ ಹೇ ಗುರುವೇ

ಅಜ್ಞಾನವನು ಹೊಡೆದೋಡಿಸಿ

ಸುಜ್ಞಾನದ ದೀವಟಿಗೆ ಹಿಡಿದು

ಪ್ರಜ್ಞಾನಘನನನ್ನು ಕಾಣುವ 

ವಿಜ್ಞಾನ ಕಲಿಸಿದ ಹೇ ಗುರುವೇ

ಎನಗೆ ಉಪದೇಶಿಸಿದ ಗುರು

ನೀನು ಸಾಧಾರಣ ಮನುಜನಲ್ಲ

ನನ್ನ ಜೀವನದ ದಿಶೆ ಬದಲಿಸಿದ ದೈವ

ನಿನಗೆನ್ನ ಧನ್ಯವಾದಗಳು ಹೇ ಗುರುವೇ