ಅವಳು...!!
ಅವಳು...!!
ಎದೆಯ ಕದವ ತಟ್ಟುವಳು
ಹೊಸ್ತಿಲನು ದಾಟಲೊಲ್ಲಳು
ಸ್ನೇಹ ಸುಧೆಯ ಹರಿಸುವಳು
ಪ್ರೀತಿ ಅಮೃತ ಬಡಿಸಲೊಲ್ಲಳು
ಮನದ ಮಹಾರಾಣಿಯಾಗಿಹಳು
ಪ್ರೇಮ ದೇವತೆಯಾಗಲೊಲ್ಲಳು
ನೋವು ನಲಿವಿನ ರೂವಾರಿಯವಳು
ಸದಾ ಕಾಲ ಜೊತೆಗಿರಲೊಲ್ಲಳು
ಮನದ ತಂಗಾಳಿ ಅವಳು
ದಿನ ನಿತ್ಯ ಬೀಸಲೊಲ್ಲಳು
ಮೌನವನೂ ಮಾತಾಗಿಸಬಲ್ಲಳು
ಮನದ ಮಾತಿಗೆ ದನಿಯಾಗಲೊಲ್ಲಳು
ಜೀವನದ ಹಾದಿಯಲಿ ಏಕಾಂಗಿ ಅವಳು
ಜೊತೆಗೊಂದು ಸಾಂಗತ್ಯ ಬಯಸಲೊಲ್ಲಳು
ಮೌನದಲ್ಲಿಯೇ ಹಾಯಾಗಿರುವಳು
ಆಡಂಭರದ ಜೀವನಕೆ ಬಲು ದೂರ ಅವಳು