ಅಸ್ತಿತ್ವ

ನಂಬಿಕೆಗಳ ಪರ್ವತವೇರು

ಮಾರ್ಗಗಗಳ ಹುಡುಕು I

ಹಿಡಿ ಭರವಸೆಗಳ ತೇರು

ಕಾಣು ಪ್ರಯತ್ನದಿ ಬೆಳಕು II

ಕಲ್ಲುಮುಳ್ಳು‌ಏನೇ ಬರಲಿ

ನಡೆವದಾರಿಗಡೆತಡೆ I

ಕಷ್ಟಗಳನೇ ಮೆಟ್ಟಿ ನಿಂತು

ಗುರಿಯೆಡೆಗೆ ಮುನ್ನಡೆ II

ಕಲಾಶಿಲ್ಪಿ ಉಳಿಯಪೆಟ್ಟು

ಸಾವಿರಾರು ಚುಚ್ಚಲಿ I

ನೋವ ತನುವು ಗಟ್ಟಿಯಾಗಿ

ದೇವರಾಗೇ ಮೂಡಲಿ II

ತಾಳದಿರು ಹತಾಶಭಾವ

ಕಲ್ಲು ಕೂಡ ಅರಳಬೇಕು I

ಕನಸೆ ಬೇರೆ‌ ನನಸೇ ಬೇರೆ

ಕಷ್ಟಸುಖಕೂ ಹೊಂದಬೇಕು II

ಗುಮ್ಮನಂತೆ ಕೂರಬೇಡ

ನಿನ್ನ ಹಾದಿ ಮರೆಯಬೇಡ I

ಜಗದ ದಾರಿಯೊಳಗೆ ನಿಂತು

ಬದುಕ ರೀತಿಗೆದರಬೇಡ II

ನಿನ್ನೊಳಗಿನ ಶಕ್ತಿಯರಿವು

ನೀನು ಮೊದಲು ಅರಿಯಬೇಕು I

ನೀನೆ ನಿಜದ ರಾಜನಾಗಿ

ವಿಶ್ವಮನುಜನಾಗಬೇಕು II