Library
Profile
श्री गणपति प्रार्थना स्तोत्र
श्री गणपति प्रार्थना स्तोत्र
सरागिलोकदुर्लभं विरागलोकपूजितं
सुरासुरैर्नमस्कृतं जरादिमृत्युनाशकम्।
गिरा गुरुम् श्रिया हरिम् जयन्ति यत्पदार्चका
नमामि तं गणाधिपं कृपापयःपयोनिधिम्।।
गिरीन्द्रजामुखाम्बुज प्रमोददानभास्करं
करीन्द्रवक्त्रमानताघ संघवारणोद्यतम्।
सरीसृपेशबद्धकुक्षिमाश्रयामि संततं
शरीरकान्तिनिर्जिताब्जबन्धुबालसंततिम्।।
शुकादिमौनिवन्दितं गकारवाच्यमक्षरं
प्रकाममिष्टदायिनं सकामनम्रपङ्क्तये।
चकाशनं चतुर्भुजैर्विकासिपद्मपूजितं
प्रकाशितात्मतत्त्वकं नमाम्यहं गणाधिपम्।।
नराधिपत्वदायकं स्वरादिलोकदायकं
जरादिरोगवारकं निराकृतासुरव्रजम्।
कराम्बुजैर्धरन् सृणीन् विकारशून्यमानसैर्हृदा
सदा विभावितं मुदा नमामि विघ्नपम्।।
श्रमापनोदनक्षमं समाहितान्तरात्मना
समाधिभिः सदार्चितं क्षमानिधिम् गणाधिपम्।
रमाधवादिपूजितं यमान्तकात्मसम्भवं
शमादिषड्गुणप्रदं नमामि तं विभूतये।।
।। श्री गणेशाय नमः ।।
